Kjo ndryshe njihet edhe si pagjumësia psiko-fiziologjike, dhe një studim i ri i publikuar në revistën e Hulumtimit të Gjumit gjen se kur ndjehemi nën presion për të rënë në gjumë (i quajtur ndryshe edhe si synimi i lartë i gjumit) shkakton që të kemi gjumë të fragmentuar dhe të kemi cilësi të përkeqësuar të gjumit.

Hulumtuesit nga Universiteti Shtetëror i Moskës theksuan rëndësinë e të rënit në gjumë për 33 gjumash të mirë, madje duke premtuar edhe një shpërblim financiar për atë të cilin do të binte më shpejtë në gjumë, transmeton Lajmi.net.

Çfarë ata gjetën: koha që shpenzojmë ne derisa të na zë gjumi është e njëjtë me kohën të cilën e shpenzojmë derisa të zgjohemi nga shtrati kur të na del gjumi, duke e shkurtuar kështu kohën totale të gjumit dhe duke ulur cilësinë e përgjithshme të tij.

Pagjumësia psiko-fiziologjike është një problem i vërtetë që prekë rreth 15% të të gjithë pacientëve kronik me insomnia, thotë Robert Rosenberg, një mjek në ‘Qendrën e Çrregullimeve të Gjumit’ në Arizona, transmeton Lajmi.net.

“Njerëzit krijojnë lidhje negative me kohën në shtrat dhe dhomën e fjetjes”, thotë ai. Dhe është një cikël frustrues: Pagjumësia psiko-fiziologjike shkaktohet nga ankthi që zhvillohet nga paaftësia kronike për të rënë në gjumë, por gjithashtu edhe nga paaftësia për të qëndruar në gjumë, që përkthehet në zgjimin neurokognitiv që përfundon me pengim të gjumit tuaj.

Nëse kjo tingëllon e njohur për ju, duhet ta dini që nëse nuk mund të flini, ka disa gjëra që mund të bëni për vetën në këtë rast. “Së pari, zëvendësoni mendimet negative me pasojat pozitive”, sugjeron Dr.Rosenberg. Për shembull: në vend se të mendoni për gjërat që ju preokupojnë gjatë ditës dhe për problemet e tjera që kanë të bëjnë me ju, duhet të mendoni për gjëra të mira dhe pozitive dhe t’i thoni vetës që ‘keni pasur probleme me gjumë edhe më parë, dhe kjo nuk është asgjë’, apo ‘kjo është nata e fundit që nuk po më zë gjumi’.

Një tjetër trik nga Dr.Rosenberg: Mos shkoni në shtrat derisa të jeni me të vërtetë të përgjumur, edhe nëse kjo do të thotë që ta vononi kohën e shkuarjes në shtrat. 

“Mos e shikoni kohën e alarmit që e keni lënë në celularë, pasi kjo do të ju çojë edhe më shumë në ankth”, thotë ai.