Futbollisti nga Kosova thumbon Marinën për Getoarin, ja përgjigja e saj!
Futbollisti nga Kosova që luan për skuadrën e Tiranës, Argjend Malaj, pyetjes së bërë nga moderatori Manushi se “si i thoni ju me atë zhargonin e Kosovës, gocave, e dashura ime”, iu përgjigj duke thënë: “Për këtë më mirë të pyesim Marinën se kjo ka më shumë kontakt me kosovarët se unë tani”.
ShowBiz
Gazetari Manushi ndërhyri duke thënë se “jo mo Marina s’dinte nga kjo pjesë”, ndërsa prezantuesja i priti me buzëqeshje komentet në studio.
Më herët, mediat kanë shkruar se prezantuesja e “Procesit Sportiv” Marina Vjollca dhe reperi më i paguar në Kosovë, Getoar Selimi, kanë postuar foto me njëri-tjetrin duke ‘pranuar’ edhe lidhjen mes tyre. Për Marinën dhe Getoarin është shkruar gjithashtu se kanë nisur edhe bashkëjetesën në kryeqytetin shqiptar.
Ndërkaq, futbollisti Argjend Malaj ishte i ftuar në emision edhe si autor i golit të realizuar për Tiranën në përballjen ndaj Flamurtarit në çerekfinalen e Kupës së Shqipërisë. I pyetur për ekipin e Tiranës, lojtari u shpreh optimist për një kualifikim në kupat e Europës.
“Jam shumë i kënaqur sidomos tani me trajnerin e ri. Pregatitjet kanë shkuar shumë mirë. Grupi është shumë i mirë. Objektivat tani te Tirana është kupa sepse është rruga më e afërt të për të shkuar në Europë”, tha Malaj.