FSK përkujton viktimat e 11 shtatorit në SHBA
Sot, në të gjitha kazermat e FSK-së, në orën 14:45 minuta, në shenjë nderimi dhe përkujtimi të viktimave të terrorit në Shtetet e Bashkuara të Amerikës, të gjithë flamujt janë lëshuar në gjysmë shtize si dhe janë mbajtur një minutë heshtje.
Lajme
Sipas një njoftimi për media, në Kazermën “Adem Jashari” në Prishtinë, për t’i nderuar viktimat e sulmit terrorist të 11 shtatorit të vitit 2001, ishte edhe Komandanti i Forcës së Sigurisë së Kosovës (FSK) gjenerallejtënant Rrahman Rama, drejtor i Drejtorisë për Operacione në MFSK, gjeneral brigade Zymer Halimi dhe zëvendës komandanti i Komandës së Forcave Tokësore gjeneral brigade Gëzim Hazrolli.
Më 11 shtator të vitit 2001, terroristët sulmuan Kullat binjake në New York të SHBA-ve, ku humbën jetën mijëra civilë të pafajshëm./Gazeta Tribuna/
