Fshati i grave me këmbë të lidhura
Femrat e një fshati kinez vuajnë pasojat e dhimbshme të një tradite 1000-vjeçare që ka të bëjë me lidhjen e këmbëve dhe përdorimin e këpucëve shumë të ngushtë në majë.
Fun
Më shumë se 100 femra (sot rreth 70 vjeç) të fshatit Liuji, në provincën Junan, që në moshë të vogël kanë lidhur fort shputat e këmbëve për t’i ndryshuar atyre formën. Ky ka qenë një zakon i femrave të pasura, të cilat nuk kishin nevojë të punonin dhe për këtë arsye nuk kishin nevojë të përdornin këmbët.
Këmbë të tilla si në fotot e mëposhtme konsideroheshin edhe si një shenjë bukurie.
Lidhja e këmbës bëhej gjatë dimrit te femrat e moshës 4-9 vjeç. Zgjidhej pikërisht kjo stinë për shkak se i ftohti bën që të ndihet më pak dhembja që shkakton një lidhje e fortë te këmba.
Kjo praktikë është ndaluar në vitin 1912 pasi u konsiderua “prapanike”, ndërsa regjimi komunist e ka shuar fare.