Frenkie de Jong, “ylli i fshehur” në përballjen ndaj Francës
Holanda ka shënuar fitore shumë të rëndësishme ndaj Francës me rezultatin 2:0.
Sport
“Tulipanët” ishin dominues në secilin aspekt kundër kampionëve të botës, duke mos i lënë asnjë mundësi kundërshtarit.
Lojtarët e Koeman diktuan tempon e lojës gjatë 90 minutave duke qenë fantastik në mesfushë.
Për këtë flasin më së miri edhe statistikat e mesfushorit të ri, Frenkie de Jong, shkruan lajmi.net.
Ai regjistroi plot 95 pasime, nga të cilat 93% ishte i saktë, duke futur këtu edhe një pasim kyç.
Gjithashtu lojtari fitoi 11-metërshin të cilin në gol e ktheu Memphis Depay.
De Jong fitoi 2 duele me kundërshtarët dhe pati dy interceptime, gjithashtu një driblim të suksesshëm.
Pikërisht këto statistika tregojnë pse Barcelona dhe gjigantët e Evropës po “çmenden” pas Frenkiet. /Lajmi.net/