Hëna sot është rreth 14 për qind më e madhe dhe rreth 30 për qind më e ndritshme sesa herave të tjera, transmeton lajmi.net

Kjo do të jetë hëna më e madhe për tash e disa dekada dhe sipas ekspertëve është moment briliant e historik për të shkrepur fotografi të mahnitshme.

Në vende të ndryshme të botës, varësisht nga ora – hëna është shfaqur dhe fotografët kanë shkrepur fotografitë e tyre të cilat menjëherë janë shpërndarë në rrjetet sociale e në uebfaqet më të mëdha në botë.

Hëna është shfaqur së pari në Australi, për të lëvizur më pas në Japoni e Kinë dhe për të përfunduar sonte në Europë dhe Mbretëri të Bashkuar.

Ky fenomen i rrallë dhe mahnitës në vendin tonë është pamundëuar nga vranësirat por në vendet ku qielli është i kthjellët mund të shihet edhe pak kohë, andaj tentoni të mos e humbisni rastin./lajmi.net

Ju shfaqim disa fotografi në vende të ndryshme të botës: