Ushtria izraelite ka zhvilluar sulme ajrore në tre lokacione që kontrollohen nga grupi islamik, Hamas, thuhej në një deklaratë të lëshuar nga vetë ushtria.

Në deklaratë po ashtu thuhej se 16,000 palestinezë ishin mbledhur përgjatë kufirit të Gazës dhe kanë filluar të hedhin granata dhe gurë në drejtim të trupave izraelite.

Palestinezët janë duke protestuar në Gaza që nga 30 marsi i këtij viti, shkruan Euronews, transmeton Klan Kosova.

Ata janë duke kërkuar heqjen e bllokadës si dhe të drejtën për t’u kthyer në tokat nga të cilat ata janë arratisur pas themelimit të shtetit izraelit në vitin 1948.