FMN e pakënaqur me rritjen e pagave
Fondi Monetar Ndërkombëtar si duket është “inatosur” me vendimin e Qeverisë së Kosovës për rritjen e pagave të sektorit publik për 25 përqind. Haki Shatrit thotë se nëse zgjedhjet mbahen në qershor, FMN-ja ka gjasë të mos ketë program të ri për Kosovën.
Lajme
E përditshmja “Zëri”, sot raporton se FMN është e pakënaqur me vendimin e rritjes së pagave pasi ajo sjellë implikime buxhetore. Një burim i kësaj gazete ka thënë se zyrtarët e FMN-së e shohin këtë veprim si rrezikim i stabilitetit financiar.
“Vendimi për rritjen e pagave ka një implikim buxhetor prej më shumë se 130 milionë eurosh ka nervozuar tej mase zyrtarët e FMN-së. Ata janë shumë të pakënaqur me vendimin në fjalë, pasi që ai si i tillë është marrë pa aprovimin e tyre. Kosova nuk ka mundësi financiare që gjatë ktij viti të rritë pagat publike në total për 25 përqind. Me këtë veprim rrezikohet stabiliteti financiar i vendit”.
Edhe ish-Ministri i Financave, Haki Shatri thotë se FMN-ja kishte rekomanduar një rritje të pagave jo më shumë se 14 përqind. Ai thotë se FMN-ja mund të mos ketë program për Kosovën këtë vit.
“FMN-ja ka rekomanduar që pagat në Kosovë të rriten më së shumti 14 përqind, por Kryeministri Hashim Thaçi ka këmbngulur për këtë rritje”.
“Sikur Kryeministri tha kishte luftuar evazionin fiskal që në vendit tonë është rreth 30 përqind, pagat kanë mundur të rriten 25 % pa asnjë problem”.
“Nëse zgjedhjet mbahen në qershor të këtij viti sipas të gjitha gjasave FMN-ja nuk do të ketë program për Kosovën”, tha Haki Shatri për “Zëri”.