Kryetar i këtij komisioni është zgjedhur ish-deputeti i LDK-së, Shpejtim Bulliqi.

E një ndër anëtarët e komisionit, Bulliqi e ka zgjedhur edhe Florim Isufi profesor i Gjeografisë në UP,  i cili njihet edhe si kundërshtar i versionit aktual të demarkacionit.

Në një prononcim për lajmi.net, Isufi ka thënë se nuk ka qenë në dijeni se është pjesë e listës të cilën Bulliqi e kishte menduar.

“Nëse ata e kanë parë të arsyeshme z.Bulliqi dhe qeveria, që unë mundem me kontribu natyrisht se do të marrë pjesë”, ka thënë Isufi.

Ai ka thënë se nuk e din se çfarë do të diskutohet në takimin e parë të këtij komisioni dhe se çfarë vendimi do të merret.

“Unë nuk e di se cili është vendimi i parë që do të marrim. Nuk e di se çka do bëhet në takimin e parë, besoj se do të diskutohet dhe të gjitha punët do të zhvillohen në bazë të vërtetësisë së vijës kufitarë domethënë se a është e vërtetë ajo vijë apo ndonjë tjetër, ka shumëçka të punohet”, ka përfunduar Isufi.

Kryeministri Haradinaj pritet që nesër zyrtarisht ta emërojë komisionin e ri në krye me Shpejtim Bulliqin.

Këta janë anëtarët e komisionit:

Shpejtim Bulliqi, kryesues- UP, 

Zejnullah Gruda, UP- anëtar, 

Martin Berishaj, Universiteti i Lubjanës- anëtar, 

Hamit Basholli, anëtar- gjeodet,

Florim Isufaj, UP.

Riza Smaka

/Lajmi.net/