Flet Luka Modric, ja ku dëshiron ta vazhdojë karrierën
Fituesi i fundit i “Topit të Artë”, Luka Modric, është deklaruar rreth të ardhmes së tij në futboll.
Sport
Ylli kroat ka bërë të ditur edhe njëherë se ka shumë dëshirë që ta vazhdojë karrierën e tij tek Real Madrid.
Emri i mesfushorit ka qenë lidhur ngushtë me një kalim të mundshëm në Serie A, tek skuadra e Inter, mirëpo duket se kjo nuk është afër të ndodh.
Kontrata e Modric me Real Madrid është e vlefshme deri në vitin 2020, por dëshira e tij është që ajo të zgjatet.
“Kam edhe një vit e gjysmë në kontratë dhe jam i qetë, sepse kjo është kohë e gjatë” ka thënë Modric për reporterët, transmeton lajmi.net.
“Dëshira ime është që të qëndroj këtu për më shumë kohë. Jam i lumtur sikur ditën e parë kur erdha këtu” ka thënë tutje kroati.
“Topi i Artë” e realizoi golin e dytë në fitoren e mbrëmshme të Real Madrid (2:0) kundër Sevilla. /Lajmi.net/