Flappy Bird largohet nga App Store e Google Store
Krijuesi i lojës \"Flappy Bird\" duket se është i mirë me premtime. Ai pat premtuar se loja do të zhduket, dhe ashtu ndodhi.
Auto & Tek
Flappy Bird, loja që për një kohë të shkurtër u bë senzacion, dje është zhdukur nga App Store dhe Google Store.
Krijuesi i lojës e mbajti fjalën e dhënë dhe e largoi lojën. Flappy Bird është lojë e cila së fundmi në mënyrë misterioze kapi majat në App Store dhe Google Store.
E fansat e lojës që e kanë instaluar lojën para të dielës në smartfonët e tyre, mund ta luajnë akoma.
Largimi i lojës vjen pas paraljmërimit të krijuesit Dong Nguyen në Twitter ditë më parë, i cili thoshte se “nuk mund ta mbajë më lojën.”
Raportohet se Flappy Bird gjeneron rreth 50,000 dollarë amerikan në ditë nga reklamat që janë brenda lojës.
Ekspert të shumtë e cilësojnë këtë tërheqje si veprim të zgjuar dhe strategjik të krijuesit, i cili ishte në rrezik të përballjes me akuza nga Nintendo pas disa ngjajshmërie grafike, sidomos me lojën Super Mario (tubat në lojë).