Pas ndeshjes mes Juventusit dhe Olympiakosit, flamuri shqiptar u shfaq edhe në ballafaqimin mes Bayern Munichut dhe Romës, në kuadër të Grupit E në Ligën e Kampionëve, të mërkurën.

Në një tribunë të stadiumit Allianz Arena u paraqit një flamur i madh shqiptar, me siguri nga bashkatdhetarë të cilët kishin shkuar për të ndjekur ballafaqimin që përfundoi në favor të Bayern Munichut me rezultat 2:0.