“Vendi jonë është në rrugë të drejtë në rrugën drejtë progresit. Pritëm me dekada por u kthyem në autostradën e Evropës. Ne tani e tutje do të marrim pjesë në punën e Aleancës më të fuqishme në botë. Por të jeni të sigurt se me ratifikimin e protokollit në të gjitha 29 vendet anëtare të NATO-së, ne edhe zyrtarisht do të bëhemi anëtarja e 30 e NATO-s, me të drejtë vote. Kjo është një flet e re në historinë tonë. Uroj qytetarët e Maqedonisë, sepse merita e tyre është e madhe”, tha kryeministri Zoran Zaev, i cili falënderoi edhe kolegun e tij grek Aeksis Cipras, bashkë me të cilin siç u shpreh ai “gjetëm një zgjidhje e cila do të shërbej edhe për shumë kolegë tanë në Ballkan”.

Zaev: Na pret punë e madhe në zbatimin e reformave

“Maqedonia e Veriut nuk do të ketë zgjedhje tjetër përveç që të ketë bashkëpunim dhe miqësi me të gjithë fqinjët.

“Na pret një punë e madhe në zbatimin e reformave”, u shpreh Zaev, raporton Alsat M.

Gjatë fjalimit të tij Zaev, me porosi deri tek të “korruptuarit”, duke nënvizuar se të gjithë do të dalin para drejtësisë.

“Do të bëjmë përpjekje që të bëhemi anëtarë të BE-së. Për këtë arsye të gjitha partitë politike dhe të gjithë politikanët ta vënë interes madhorë zhvillimin e vendit, zbatimin e të gjitha ligjeve me flamur evropian. Zgjidhje më të mirë nuk kemi, mos të gënjehemi, asnjëherë nuk kemi pas. Asnjëherë s’ka qen ëmë afër anëtarësimi i jonë në familjen e madhe evropiane”, tha Zaev, për të shtuar se lufta për pushtet nuk duhet të pengojnë qëllimin që vendi një ditë bëhet anëtare e familjes së madhe evropiane.

Zaev: Ta çlirojmë Evropën nga frika e Ballkanit

“Ballkani i duhet Evropës. Anëtarësimi në BE nuk është qëllimi jonë i fundit, por evropeizmi i shoqërisë sonë që është një proces shumë më i gjatë. Gjeneratat e reja do të jenë evropian, pa komplekse”, tha Zaev.

“Ju ftoj të gjithëve që ta realizojmë qëllimin tonë historik, të bëhemi pjesë e familjes evropiane”, përfundoi fjalimin e tij Zoran Zaev, kryeministër i Maqedonisë.

Gjatë kësaj ceremonie morën pjesë edhe ministra, deputetë dhe funksionarë të lartë shtetërorë, por u vërejt mungesa e presidentit të shtetit Gjoirge Ivanov, liderit opozitar Hristijan Mickoski, kreut të integristëve Ali Ahmeti.