Fjolla Morina është dukur e zjarrtë mbrëmë. Disa orë para ndërrimit të motmoteve, këngëtarja kosovare i ka postuar disa fotografi në rrjetin social Instagram, ku e ka shfaqur formën e saj bombastike të trupit.

Këngëtarja prishtinse ishte e shoqëruar nga një Babadimër dhe një Babadimreshë, ndërsa duket mjaft në disponim, e veshur me një mini-fund të kuq, mjaft seksi.

“Gezuar Vitin e Ri, ju uroj qe viti 2014 t’ju sjell shendet te mire, paqe, e momente te lumtura te gjithe familjes e shoqerise suaj”, ka shkruar këngëtarja e hitit ‘FB’, që e transmetoi të njëjtin tekst edhe në gjuhën angleze.

Pas kësaj fotografie pranë bredhit të Vitit të Ri, Fjolla e ka vazhduar rrugëtimin drejt klubeve të natës, ku e ka gjetur argëtimin deri në orët e hershme të mëngjesit. Siç dihet, javë më parë ajo që ndroi në ishujt Maldive, për pushime disa ditore.