Ahmeti në Facebook ka shkruar se sot Gjykata Supreme konfirmoi për herë të fundit se rezultati në Prishtinë duhet të certifikohet.

“Sot, Gjykata Supreme konfirmoi për herë të fundit që zgjedhjet në Prishtinë duhen të certifikohen dhe të vazhdojmë me punët e Ekzekutivit dhe Kuvendit. Faleminderit edhe njëherë të gjithë qytetarëve të Prishtinës”, ka shkruar Ahmeti.

Gjykata Supreme sot ka refuzuar si të pabazuar ankesën e Lidhjes Demokratike të Kosovës (LDK), dega në Prishtinë, të paraqitur kundër vendimit të PZAP-së.