Fiton Bayerni, Mehmedi shënon në fitoren e Leverkusenit, Abrashi te Freiburgut
Bayern Munich ka shënuar fitore të lehtë në udhëtim te Augsburg me rezultat 1:3, në kuadër të xhiros së nëntë të Bundesligës.
Sport
Bavarezët e dominuan ndeshjen, dhe nuk hasën në vështirësi edhe për t’i shënuar golat.
Robert Lewandowski me dy gola dhe Robben me një, shënuan për Bayernin e Ancelottit.
Për vendasit golin e vetëm e shënoi Koo Ja Cheol.
Në kuadër të kësaj xhiro, golat kanë gjetur edhe dy futbollistë shqiptarë.
Admir Mehmedi ka shënuar në fitoren 1:2 të Leverkusenit në udhëtim te Wolfsburg, dhe Amir Abrashi në fitoren 1:3 të Freiburgut ndaj Werder Bremen.