Shitja e biletave për këtë sfidë ishte paraparë që të fillojë sot, mirëpo një gjë e tillë nuk ka ndodhur, pasi Federata e Futbollit e Kosovës ka prishur marrëveshjen me Z-Mobile në minutat e fundit.

FFK përmes një komunikate bën të ditur se biletat e ndeshjes Kosovë – Ishujt Faroe do të dalin në shitje ditën e enjte.

“Federata e Futbollit e Kosovës njofton opinionin se shitja e biletave për ndeshjen Kosovë – Ishujt Faroe, që do të zhvillohet më 10 shtator në stadiumin “Fadil Vokrri” në Prishtinë do të fillojë të enjten, më 6 shtator në mesditë dhe do të bëhet në dyqanet e kompanisë IPKO, në këto pika të shitjes:”, thuhet në njoftimin e FFK-së, që të bashkëngjitur sjellë edhe pikat e shitjes./Lajmi.net/