Deri te ky reagim, FFK ka ardhur pas shumë raportimeve një ditë më parë në media se Loret Sadiku ka marrë dritën e gjelbër për të veshur fanellën e Kosovës.

Sadiku pjesë e Kasimpasa në Turqi, ka zhvilluar disa ndeshje miqësore për Kosovën, por pas pranimit në UEFA dhe FIFA, atij i është ndalur paraqitja për ‘Dardanët’, me arsyetimin se ka humbur mundësinë e ndërrimit të përfaqësueses kur ka bërë kërkesë që nga Suedia të kalojë te Shqipëria.

“Federata e Futbollit e Kosovës njofton opinionin se çështja e futbollistit Loret Sadiku, pjesë e skuadrës turke Kasimpasa, ende është në proces dhe ende nuk ka një vendim zyrtar nëse do t’i lejohet paraqitja me Kosovën në të ardhmen”, thuhet në njoftimin e FFK-së, përcjell ‘lajmi.net’.

“FIFA deri më tash ka refuzuar ta lejojë Sadikun të luajë për Kosovën, me arsyetimin se ka humbur mundësinë e ndërrimit të përfaqësueses kur ka bërë kërkesë që nga Suedia të kalojë te Shqipëria, mirëpo futbollisti në fjalë në fakt nuk e ka zhvilluar asnjë ndeshje me kombëtaren shqiptare”./Lajmi.net/