FFK-ja zgjedh të premten pasuesin e Vokrrit
FFK bëhet gati për të zgjedhur presidentin e ri.
Sport
Federata e Futbollit të Kosovës do të zhvillojë Kuvendin e Jashtëzakonshëm zgjedhor ditën e premte, më 6 korrik, për të zgjedhur presidentin e institucionit drejtues të futbollit pas ndarjes së parakohshme nga jeta të ish-kryetarit Fadil Vokrri.
Largimi i parakohshëm nga jeta i Fadil Vokrrit ka lënë një boshllëk psikologjik dhe ekzekutiv, që duhet gjithsesi të mbushet.
Ish-legjenda e futbollit kosovar e jo vetëm, Vokrri u përpoq me ç’të mundej dhe ia doli mbanë që të anëtarësonte Federatën e futbollit kosovar në institucionet më të larta të futbollit europian e botëror, UEFA e FIFA.
