Festa e Shën Valentinit
Shën Valentini ka një të kaluar prej 2000 vjetësh që nëpër shekuj është festuar në tradita të ndryshme. Një nga traditat e praktikuara shekuj më parë, ishte për të gjetur një të dashur në ditën e të dashuruarve, për çka organizoheshin shorte. Në atë periudhë, ishin njerëz të veçantë ata që merreshin me këtë lloj…
Lifestyle
Shën Valentini ka një të kaluar prej 2000 vjetësh që nëpër shekuj është festuar në tradita të ndryshme.
Një nga traditat e praktikuara shekuj më parë, ishte për të gjetur një të dashur në ditën e të dashuruarve, për çka organizoheshin shorte.
Në atë periudhë, ishin njerëz të veçantë ata që merreshin me këtë lloj riti.
Ndërmjetësi merrej vesh me vajzën e cila duhet të shkruante emrin e personit që pëlqente në një copë letër dhe t’ia jepte ndërmjetësit që të merrte pjesë në short, dhe të fitonte njeriun e preferuar.
Në Shekullin XVI, pikërisht më 14 shkurt, si shenjë dashurie jepeshin dhurata të këtilla si: dorëza, çorape dhe shami.
Në Shekullin XVII, Puritenët amerikanë, që ishin një shoqëri e krishterë, me arsyetimin se dita e të dashuruarve është një besim i kotë, u munduan ta ndalonin.
Edhe këtë herë dashuria triumfoi dhe ata nuk ia dolën ta ndalojnë këtë festë. Dhuratat e asaj kohe ishin veshjet dhe një shishe verë. Në atë periudhë, 14 Shkurti festohej në Francë, Itali, Gjermani etj.
Në një fshat të vogël të Francës, pleqtë e fshatit ndaheshin në dy grupe dhe shëtisnin shtëpi për shtëpi për të zgjedhur të rinjtë të cilët dilnin nëpër dritare dhe thoshin emrat e njëri-tjetrit, e më pastaj vajza ia dërgonte një veshje të re si shenjë ftese mashkullit për mbrëmjen e njohjes që organizohej në qendër të qytetit.
Nëse ftesa i pranohej nga djali, si përgjigje vinte një shishe vere. Atë natë, në mbrëmjen e Shën Valentinit, nëse vajza apo djali nuk e pëlqenin njëri-tjetrin, po atë natë ndizej një zjarr i madh dhe digjeshin të gjitha veshjet që ishin dërguar për ftesë. Në vitin 1776 kjo tradite u ndalua.
Në Shekullin XVIII shfaqen kartolinat e para për ditën e dashurisë. Ishte zakon që ato kartolina të punoheshin vet nga personi që do i dërgonte.
Kartolinat zbukuroheshin me germa të florinjta dhe dantella. Në to shkruhej poezi dashurie, dhe më pastaj dërgoheshin. Ndërsa, disa kartolina zbukuroheshin me zemra dhe brenda i futej qeskë parfumi.
Këto kartolina sot ruhen si antikitete të vlefshme nëpër muze. Mbas vitit 1850, u shtypën kartolinat e para për ditën e Shën Valentinin dhe u nxorën në treg për t’u shitur. Që prej asaj kohe, Shën Valentini u përdor edhe për interese fitimi në biznes.
Historiku i Shën Valentinit
Shën Valentini ishte peshkop i Romës gjatë shekullit të tretë. Vizitonte të gjitha shtëpitë dhe këshillonte bashkëshortët t’u ishin besnikë njëri-tjetrit.
Klaudio, perandori i atëhershëm i Romës, donte që të gjithë burrat të futeshin në radhët e ushtrisë. Nga ana tjetër, meshkujt nuk donin pasi një gjë e tillë, do t’i mbante larg nga familjet e tyre. Kështu, Klaudio anuloi të gjitha martesat dhe fejesat e kohës.
Shën Valentini, në kundërshtim me urdhërin e rreptë, i martonte çiftet fshehurazi dhe si rezultat, kur kjo u bë e ditur, ai u arrestua dhe u dënua me prerje koke.
Romët, për nder të tij, kishin ndërtuar një tempull jashtë kishës, por kur Armandito e pushtoi Romën, shkatërroi edhe tempullin.
Pas disa vitesh, arkeologu Pertuci, i cili kishte lexuar libra për Shën Valentinin, shkoi në Romë dhe e zbuloi tempullin e tij. Shën Valentini nuk festohet as nga feja katolike e as nga ajo ortodokse.
Këtë e vendosën më tepër tregtarët për t’i zbrazur raftet e tyre, megjithatë është një ditë që na pëlqen të ndjehemi pak më ndryshe se ditët tjera dhe pse jo, ta shprehim hapur dashurinë kundrejt personit që kemi në zemër.