Të themi të drejtën, oqeanet dhe jeta nënujore janë në rrezik. Përderisa shumica e njerëzve lexojnë për këtë dhe nuk e shohin si shumë të rëndësishme, disa njerëz përpiqen për të bërë diçka.

Bren Smith ishte një peshkatar dikur, para se ndryshimi klimatik të fillonte t’i shfaqte problemet e tij dhe të dëmtonte jetën nënujore.

Fenomeni i ngrohjes globale ka bërë që ai të mendoj rreth jetës së gjallesave ujore. Kështu, atij i erdhi një ide për të krijuar ferma nënujore që përdorin alga deti dhe butak për të krijuar ekosisteme të varura që e ‘restaurojnë’ oqeanin dhe format e tij të jetës, transmeton lajmi.net.

Të krijuara në brigjet e një ishulli të njohur si “Ishulli i Gjatë”, këto ferma mund të pastrojnë edhe ujin dhe t’i japin oqeanit një jetë të sigurt. Fermat u krijuan nga një organizatë e quajtur “Dallga e Gjelbër”, e cila i ka regjistruar fermat si “fermat oqeanike 3D”.

Sipas disa raporteve, ekziston frika se nëse nuk merren disa hapa serioz mbi jetën e gjallesave në oqeane, mund të ndodh një kolaps i madh i gjallesave ujore deri në vitin 2050.

Fermat e varura përdorin kolonën e plotë të oqeanit, për të rritur alga dhe midhje. Këto janë specie të cilat e pastrojnë ujin dhe ofrojnë një vend të sigurt për gjallesat e oqeanit.

Sipas GreenWave, një fermë e tillë mund të filtrojë miliona galonë ujë të oqeanit në ditë. Dhe gjëja më e dobishme për këtë është se nuk ka nevojë për ujë të freskët.

Deri tani, rezultatet nga këto ferma po dalin të jenë pozitive! (lajmi.net)