Studimi ka vënë në dritë dukurinë se stresi gjatë ovulacionit ulë fertilitetin duke sugjeruar femrat kështu që menjëherë të fillojnë ta luftojnë atë.

Hulumtuesit nga Universiteti i Louisville kanë gjetur se së bashku me dukuri të tjera që ulin fertilitetin edhe stresi është pothuajse ngjashëm negativ në këtë aspekt, transmeton lajmi.net

“Disa individ janë skeptik për rezultatet e hulumtimit tonë, por në fakt gjendja emocionale dhe psikologjike luan një rol shumë të rëndësishëm në fertilitetin e femrave”, shprehet Dr. Kira Taylor, një epidemiolog nga Universiteti i Louisville.

Për këtë studim, janë bërë analiza tek 400 gra të moshës 40 dhe më të reja, për mënyren e jetesës së tyre, gjendjen emocionale dhe psikologjike e poashtu edhe atë të shëndetit fizik.

Ndërsa, gratë të cilat kishin nivel të lartë të stresit, mundësia e tyre për të mbetur shtatzënë kishte rënë për 46 për qind.

“Këto rezultate kanë shtuar prova në hulumtimet e tjera që ishin shumë të kufizuara sa i përket analizave dhe faktorëve negativ që ndikojnë në fertilitet”, tha Taylor.

“Sugjerojmë femrat që menjëherë të fillojnë procedura për luftimin e stresit të tilla si ushtrimet ose seancat për menaxhimin e stresit ose duke folur me ndonjë profesionist të shëndetit mendor dhe emocional”, përfundon Taylor./lajmi.net