Alessio Carrer ishte me pushime më familjen kur mamaja dhe babai ranë në kraterin 1 mijë gradë Celsius, në përpjekje për të shpëtuar djalin e tyre të madh.

Ngjarja e rëndë u regjistrua në Itali.

Vogëlushi 7-vjeçar pyeste vazhdimisht se çfarë i ka ndodhur prindërve dhe vëllait, ndërsa shërbimet sociale dhe një psikolog e morën tutje.

Massimiliano Carrer, 45 vjeç dhe e shoqja, Tiziana Zaramella, 42 vjeç, besohet se u mbytën nga gazi i nxehtë teksa tentonin të shpëtonin djalin e tyre 11-vjeçar, Lorenzo.

Edhe ky pati fatin e prindërve.

Gjithçka ndodhi në Solfatara të Pozzuoli-t, në veri të Napolit në një vullkan të fjetur.

Lorenzo i vogël mendohet se është futur në një zonë të ndaluar.

Autoritetet e qytetit Pozzuoli kanë shpallur një ditë zie për këtë ngjarje të rëndë.

Familja ishte me origjinë nga Torino. Carrer punonte si inxhinier, e shoqja ishte roje sigurie në një aeroport.

Autoritetet thanë se nuk mund të bënin asgjë për të shpëtuar jetën e tyre. /Lajmi.net/