Falcao s’është për Monaco
Jose Mourinho ka ringjallur spekulimet se Chelsea do të tentojë transferimin e sulmuesit të Monacos, Radamel Falcao, gjatë afatit kalimtar të verës. Special One ka deklaruar se golgeteri kolumbian nuk e meriton të jetë anëtar i skuadrës nga Ligue 1. “Unë kam një skuadër, por nuk kam sulmues. Falcao nuk ka një skuadër. Një futbollist…
Sport
Jose Mourinho ka ringjallur spekulimet se Chelsea do të tentojë transferimin e sulmuesit të Monacos, Radamel Falcao, gjatë afatit kalimtar të verës.
Special One ka deklaruar se golgeteri kolumbian nuk e meriton të jetë anëtar i skuadrës nga Ligue 1.
“Unë kam një skuadër, por nuk kam sulmues. Falcao nuk ka një skuadër. Një futbollist si ai nuk duhet të luajë në praninë e 3000 shikuesve. Monaco është një klub për të përfunduar karrierën”, deklaroi Mourinho për Canal Football Club.
Ndërsa, strategu portugez e përjashtoi mundësinë e paraqitjes së një oferte për sulmuesin e Paris Saint-Germain, Zlatan Ibrahimovic.
“Zlatan në Chelsea? E pamundur. Ai është i lumtur në Paris. E di sepse e kam shok dhe jemi në kontakt”, u shpreh Mourinho.