Falcao mendon për Atleticon
Golgeteri i Monacos, Radamel Falcao ka nostalgji për ish skuadrën e tij, Atletico Madrid, në mbrëmjen e finales në Ligën e Kampionëve kundër Real Madridit.
Sport
Ish sulmuesi i Atletico Madridit, Radamel Falcao ka bërë me dije se sonte mendjen e ka tek ish skuadra e tij, para finales së madhe të Ligës së Kampionëve kundër Real Madridit.
Falcao, anëtar i Monacos, u largua nga Vicente Calderon gjatë verës së vitit të kaluar. Mirëpo, ai kurrsesi nuk ka shkëputur lidhjet e fuqishme që krijoi gjatë kohës sa ishte sulmuesi kryesor i Atletico Madridit.
Dhe, pak orë para fillimit të finales së madhe të Ligës së Kampionëve, Falcao ka bërë një postim të shkurtër duke shkruar “#Nostalgji”, në profilin e tij në rrjetin social Twitter, duke bërë me dije se mendjen e ka tek ish skuadra e tij.
Falcao është duke u rikuperuar nga lëndimi i rëndë i gjurit në mënyrë që t’i bashkohet skuadrës së Kolumbisë për Kampionatin botëror në Brazil.