Qendra Infektive në Prishtinë ka pranuar 8 pacientë me raste të gripit të derrit, respektivisht AH1N1. Ndërsa për momentin janë 2 prej tyre në trajtim e sipër në Klinikën Infektive.

Kështu ka bërë të ditur zëdhënësi i Qendrës Klinike Universitare të Kosovës, Shpend Fazliu, për lajmi.net.

“Në laborator është konfirmuar që nga influenca AH1N1 janë 8 të prekur, 2 prej tyre janë duke u trajtuar në Klinikën Infektive të tjerët janë në shtëpi, 1 është në gjendje më të rëndë por nuk është verifikuar ende prania e virusit te ai person pasi nuk i janë kryer analizat ende”, ka thënë Fazliu.