Garën e fitoi përfaqësuesja e Izraelit, Netta Barazilaj, e cila ishte cilësuar edhe më parë si favorite, shkruan lajmi.net.

Në garë të “Eurovizionit” ishin tre shqiptarë, Eugent Bushpepa, përfaqësues i Shqipërisë, Eleni Foureira përfaqësuese e Qipros si dhe Ermal Meta, i cili konkurroi për Italinë.

Përveç Elenit dhe Ermalit, komente pozitive kishte marrë Eugenti i cili përfaqësoi vendin denjësisht me një vokal të fuqishëm me këngën “Mall”.

Kantautori shqiptar Elton Deda ka falënderuar Eugentin që i bër gjithë shqiptarët krenarë me performancën e tij, ndërsa ka drejtuar kritika të ashpra për festivalin duke e cilësuar si të ndikuar nga politika

“Genti, je super artist. Nderove veten dhe sakrificat e tua qe nuk ti ka falur askush por i ke fituar vete me rrylin e fytit. Nga Eurovizioni do kthehesh me nje eksperience me te madhe, dicka qe do te te sherbeje ne karriere. Profesionistet te votuan dhe per pak nuk ishe ne 5-çe, por nuk mund te kesh zhgenjim pasi vetem nje budalla emotivo-superhormonal, nuk i kupton politikat e lepirjeve dhe servilizmave te “mesazheve glorioze” te ketij aktiviteti medioker. Une personalisht e kam shijuar kengen ne Festival dhe e shijova plotesisht edhe ne skenen fantastike te Lisbones. Mbaje koken lart sepse ( te pakten per mua), ishe vokalisti me i mire i Eurovizionit dhe djali modest qe kushedi se ç’heq te bashkejetoje me madheshtine e rocknrollit brenda teje. Per mua eshte mision i kryer dhe me sukses. Dua shume ti pershendes edhe Kolin, Kleartin, Rezin dhe gjithe stafin e RTSH-se qe te ka ndenjur afer ne Lisbone dhe te kane dhene zemer. Ne veçanti, dua tu them urimet me te mira, Denisit, Gertit, Gretes, Erioles te cilet kompletonin me profesionalizem dhe qetesi, garancine absolute te performances se kenges. Vazhdo te na kenaqesh. Miku qe te do te miren ( jo si te Vani me letra poshte deres).”, ka shkruar Deda. /Lajmi.net/