Chelsea mund të hidhërohet nëse konfirmohet lajmi se Tottenham është shumë pranë transferimit të sulmuesit Samuel Eto’o, në kontratë dyvjeçare, kanë njoftuar mediet britanike.

Eto’o ka kontratë me Blues edhe për disa javë ndërsa Jose Mourinho raportohet se nuk planifikon ta mbajë atë në Stamford Bridge, pas luftës verbale mes tyre.

Ndërsa, presidenti i Tottenhamit, Daniel Levy është i gatshëm t’i ofrojë 33-vjeçarit kontratë dyvjeçare në mënyrë që të mposht klubet e tjera, në garë për transferimin e ish anëtarit të Barcelonës.

Eto’o ka marrë oferta nga Major League Soccer, klube australiane, së bashku me disa anëtarë nga Serie A dhe ish skuadra e tij, Real Mallorca.

Mirëpo, Tottenham konsiderohet si favorit për të siguruar shërbimet e tij, transferim që pa dyshim se nuk do të mirëpritet nga Chelsea dhe tifozët e saj, duke konsideruar faktin se bëhet fjalë për rivalin e qytetit.