Elina Duni, këngëtarja më e mirë e xhazit, sipas gazetës “AZ”
E përditshmja zvicerane “AZ” ka radhitur këngëtaren shqiptare Elina Duni në krye të listës që përmban 10 këngëtarët më të mirë të muzikës xhaz sipas këtij mediumi.
ShowBiz
Duni ka lënë pas vetës artistë si Schnellertollermeier: X, Le Rex: Wild, Man Kaos Protokoll etj.
Ajo gjatë 2015 ka promovuar me një turne ballkanik në Shqipëri, Kosovë, Maqedoni e Serbi albumin e saj të fundit, të titulluar “Dallëndyshe”, i cili u cilësua nga gazeta britanike “The Telegraph” si një ndër albumet më të mira të muzikës xhaz.
Muzika e Elina Dunit është pothuajse gjithmonë një gërshetim mes xhazit dhe folklorit popullor shqiptar dhe ajo përpunon me shumë delikatesë shumë këngë të vjetra shqipe dhe i qaset në mënyrë të veçantë poezisë e melosit shqiptar.
Elina u lind në Tiranë dhe për herë të parë u ngjitë në skenë kur ishte vetëm pesë vjeç. Në vitin 1991, Duni shpërngulet në Gjenevë të Zvicrës. Repertuari i saj ndër të tjera përmbledhë albumet “Baresha”, “Lume lume” dhe “Matanë malit”.
Ndonëse mban koncerte në shumë vende të Evropës për KosovaLiveElina pati shprehur kënaqësinë e saj sa herë që përshëndet publikun në shqip dhe dëgjon duartrokitje të vijnë prej sallës.
Gjatë vitit që lamë pas Ambasada e Kosovës në Zvicër i ka dhënë Elinës çmimin “Diaspora 2015”.
Ndërkohë, në faqen zyrtare të këngëtares janë publikuar datat e koncerteve të para për vitin 2016. Ajo do të interpretojë më 9 janar në Tiranë dhe do të vazhdojë rrugëtimin e saj në Zvicër, Gjermani dhe Francë deri në fund të muajit.