Drejtori i Qendrës për Hulumtime Strategjike dhe Sociale, Ibrahim Rexhepi shkruan për Tribunën se sinjalet e alarmit vijnë nga të gjitha anët: “eksporti ka rënë 12 për qind, importi është rritur 7 për qind, deficiti tregtar në maj ishte 13 për qind më i lartë se në prill dhe dhjetë për qind më i lartë se para një viti, pastaj, krahasuar me vjet, në maj të hyrat në buxhet ishin 21 milionë euro më të vogla, ndërsa shpenzimet u rritën për 17 milionë euro”.

Sipas tij, përplasjet rreth të drejtës për themelimin e qeverisë po dëshmojnë brishtësinë e krejt sistemit, jostabilitetin deh paqëndrushmërinë e institucioneve dhe vënien e interesave personale – karrieriste të liderëve përballë përgjegjësisë që kanë marrë për zhvillimin e stabilitetit, shkruan Tribuna.