E vërteta për metabolizmin

Si mund të përshpejtohet metabolizmi? Keni dëgjuar për shumë mite, me siguri. Por, zbuloni këtu se çfarë funksionon dhe çfarë jo.

Lifestyle

25/09/2013 11:13

Nëse keni provuar ndonjëherë të humbni peshë, me siguri keni dëshiruar që ta përshpejtoni metabolizmin dhe në të njëjtën kohë të humbni kalori. Programet e ndryshme për humbje të peshës shpesh premtojnë sekrete për rritjen e metabolizmit, por nutricionistët duhet ta dinë se shumë nga këto janë vetëm mashtrime.

Shumë teori rreth metabolizmit janë të rrënjosura në mënyrë të gabuar në idenë se ka ushqime të veçanta, ose pije, që në mënyrë magjike rrisin mundësinë për të djegur kalori. Ndërsa nutricionistët pajtohen se ngrënia e ushqimeve të bazuara në drithëra dhe proteina është një praktikë e shëndetshme e një diete.

“Për fat të keq, nuk ekziston një ushqim i tillë që do të mund të na largonte kilogramët e tepërt”, thotë Jenna Anding, PhD, nga Departamenti i të Ushqyerit dhe Shkencës së Ushqimit, në Texas.

Gjeni këtu të vërtetën lidhur me  teoritë e përshpejtimit të metabolizmit, përfshirë edhe atë që në fakt funksionon.

Mos hani para se të flini. Ndoshta jeni këshilluar që të mos hani para se të flini për shkak të teorisë që e  ngadalëson metabolizmin tuaj gjatë natës, sepse do të humbin peshë më pak nëse atë ushqim do ta hani gjatë ditës. Nuk është e vërtetë, thotë Donna L. Weihofen, MS, RD, mjek diete në Universitetin e Wisconsin. Kaloritë numërohen edhe nëse  i hani gjatë ditës apo edhe para se të flini. Problemi me ngrënësit gjatë natës është se ata janë zakonisht tipa që konsumojnë më shumë kalori se sa mendojnë.

Prija e ujit shpejton metabolizmin. Pirja e ujit është e shëndetshme për një numër arsyesh, por kjo nuk e bënë trupin tuaj që të djegë më shpejt kalori. Kjo mund t’ju ndihmojë të ndiheni më të plotë.

“Por efekti nuk qëndron shumë”, këshillon Weihofen.  “Një nga gjërat që ndihmon është një supë para çdo dreke-darke”. Një supë e lehtë ndihmon ta shkurtojë sasinë e  kalorive  që merrni. “Sigurisht, supë me lëngë mishi nuk do të përshpejtojë metabolizmin, por ajo do të ndihmojë që të rrini planin tuaj të dietës”.

Hani në të njëjtën kohë ose në kohë të caktuara gjatë ditës, për të djegur kalori. Disa rekomandojnë që të hahet çdo dy orë në ditë. Pas një orari të caktuar, kjo ndihmon që të rrini në një plan diete të caktuar, por nuk do t’ju ndihmojë të digjni më shumë kalori. “Nuk ekziston një lloj magjie e tillë” shpjegon Weihofen. “Çdo gjë i përshtatet stilit të jetesës dhe dietës suaj”.

Duke ngrënë mëngjes nxitet metabolizmi. Ushqimi i mëngjesit në një bazë të rregullt është i rëndësishëm për humbje të kilogramëve, por jo vetëm për shkak se përmirëson metabolizmin tuaj, thotë Emily Banes, RD, nga Klinika e Dietës në Houston Medical Center NorthWest. “Njerëzit që hanë vetëm një herë në ditë, do ta mbyllin metabolizmin e tyre. Pra, mëngjesi është pjesërisht një metabolizëm-përforcues, dhe kjo është pjesërisht për t’u siguruar  që të qëndroni në rrugën e duhur për pjesën tjetër të ditës.”

Formoni muskuj. E vërteta është se ekziston vetëm një mënyrë për të rritur metabolizmin: Formoni më shumë muskuj. “Mënyra më e mirë për të rritur metabolizmin është duke inkorporuar aktivitetet fizike, si kardio dhe ngritje të peshave. Kjo djeg kaloritë”, këshillon Dr. Anding.