E papritur: Raiola në janar ia ofroi Pogban skuadrës së Manchester Cityt
Pep Guardiola ka deklaruar se Paul Pogba dhe Henrikh Mkhitaryan i janë ofruar Manchester Cityt nga agjenti Mino Raiola.
Sport
Këtë deklaratë Guardiola e ka thënë në prag të derbit me Manchester United, ku skuadra e tij në rast fitoreje do të shpallej kampione e Premierligës.
Raiola që në muajin mars e kishte ofenduar Guardiolan duke e quajtur “qen” dhe “frikacak” pas transferimit të Ibrahimovic nga Manchester United te LA Galaxy, në janar këtij trajneri i kishte ofruar dy lojtarë që ka nën menaxhim.
“Unë kam shumë…, sidomos agjentë, kam shumë”, është përgjigjur Guardiola në pyetjen nëse Jose Mourinho është rivali i tij i vetëm.
Tutje trajneri spanjoll, duke folur rreth ofendimeve të Raiolas tha:” Dy muaj më parë ai më ofroi Mkhitaryan dhe Pogban”.
Kujtojmë se Mkhitaryan në janar u largua nga Manchester United drejt Arsenalit, ndërsa Pogba nuk po kalon momentet më të mira me trajnerin Jose Mourinho./Lajmi.net/