E papritur: Henry trajner i skuadrës franceze

Thierry Henry mund të fillojë karrierën në zejen e trajnerit, duke marrë drejtimin e Monacos.

Sport

12/10/2018 13:52

Ish sulmuesi i Arsenalit dhe Kombëtares së Francës, Thierry Henry, shumë shpejtë mund të emërohet trajneri i skuadrës së madhe franceze, Monaco.

Mediet e huaja raportojnë se Henry të shtunën do të nënshkruajë me Monacon, për t’u bërë trajner i kësaj skuadre.

Henry te Monaco do të zëvendësojë të shkarkuarin Leonardo Jardim.

Bisedimet mes Monacos dhe Henrys janë në një fazë të avancuar, dhe të shtunën pritet të finalizohet gjithçka, me legjendën franceze që do të largohet nga pozita e zëvendëstrajnerit te Belgjika, për të marrë drejtimin e tetë herë kampionëve të Francës./Lajmi.net/