Kombëtarja shqiptare e futbollit, pas vendimit të marrë nga delegati i ndeshjes për ndërprerjen e takimit ndaj Maqedonisë, ka shkuar menjëherë në restorantin e stadiumit “Loro Boriçi”, për të konsumuar një darkë të shpejtë.

Po ndërsa homologët e tyre maqedonas janë kthyer qetësisht në hotelin e tyre në qytetin e Shkodrës, futbollistë e kombëtares shqiptare janë detyruar që të udhëtojnë me autobus drejt Shëngjinit ku do të kalojën natën.

Arsye për këtë situatë të krijuar është se FSHF nuk kishte rezervuar hotel në Shkodër për natën e të hënës dhe dhomat që kishin pasur futbollistët, ishin rezervuar nga njerëz të tjerë.

Fillimisht u mendua që skuadra do të shkonte në Shëngjin, për të kaluar atje natën, por më pas, “SuperSport” raportoi se stafi i FSHF-së kishte arritur të siguronte një hotel më të afërt me Shkodrën, në Bushat.

Parashikoni ndeshjet e EURO 2016 dhe fitoni dhjetëra shpërblime, duke përfshirë një iPhone 6S dhe Samsung Galaxy Note 4.