Pasi mbijetoi, duke kërcyer nga kamioni që i dërgonte të vrarët në një varrezë masive në Serbi, Shyhretja qe kthyer në vitin 2001 në shtëpinë e saj. Përgjigja që mori nga i vëllai i burrit të saj e tronditi. 

Dëshmitare në procesin kundër Milosheviqit në Hagë dhe vrasësve të familjes së saj në Beograd, mohimi i pronës dhe ballafaqimi me kunatin e saj, thotë se është beteja më e rëndë emocionale, prej të cilës nuk do të tërhiqet.

Ajo kërkon nga familjarët e burrit të saj që të denjojnë të shkojnë te trupat e fëmijëve të gjetur për ta kuptuar të drejtën e saj për shtëpinë.

Pas një sërë procesesh të shtyra e të anuluara, seanca e radhës në Gjykatën Themelore të Suharekës, do të mbahet javën e ardhshme.