E konfirmon studimi: Djathi e bën verën të ketë shije më të mirë

Më në fund u dëshmua edhe shkencërisht se djathi e bën verën të ketë shije më të mirë.

Lifestyle

12/12/2016 22:25

Në këtë studim, 31 pjesëmarrës kishin testuar katër lloje të verërave, ndërsa pastaj i kishin provuar prapë ato, por duke kafshuar nga një copë djathë mes gllënjkave, transmeton Telegrafi.

Në verën e bardhë të thatë, pjesëmarrësit kishin vërejtur se aroma citrike kishte qenë më e vogël kur e kishin konsumuar atë me djathë, gjë që i ka bërë ata t’i vërejnë më shumë aromat tjera.

Përveç verës së bardhë, edhe vera e kuqe kishte pasur shije më të mirë kur ishte kombinuar me djathë.

Por, nëse ju apo partneri juaj nuk e preferoni djathin, përpiquni ta kombinoni verën me arra, ullinj, apo proshutë për ta përmirësuar shijen e verës.