Me një paraqitje të jashtëzakonshme, angazhim të pashoq dhe mbështetje të madhe nga tribunat, Kosova ka arritur të mposht Kombëtaren e Qipros me rezultat  73-64 në ndeshjen e zhvilluar në ‘Pallatin e Rinisë’ në Prishtinë.

Djemtë e talentuar të Kosovës, kishin një pjesë të parë të paharruar, të cilën e mbyllën me epërsi prej 19 pikëve, me rezultat 39:20.

Në pjesën e dytë, qipriotët tentuan të përmbysin rezultatin, por ishte e pamundur përpara Kosovës që mbrohej mirë dhe tregohej efikase në sulm.

Ky sukses është i madh për Kosovën, që në Kampionatin Evropian të radhës do të jetë pjesë e Divizionit B, ku do të luajë përballë kombëtareve shumë cilësore./Lajmi.net/

Kampionet pic.twitter.com/CfPc7jCiUB

— Albert Jakupi (@AlbertJakupi) July 29, 2018