Anna Duritskaya, 23 vjeçare, ishte duke ecur në mbrëmje bashkë me kreun e opozitës ruse, Boris Nemtsov, kur ai u vra të premten, në një akt që u quajt terror politik.

Sipas medieve ruse, si dëshmitare ajo u ndalua për disa orë nga policia, dhe u lirua në orët e para të së shtunës. Tani ajo dëshiron të shkojë në shtëpinë e saj, por zyrtarët janë duke e e mbajtur nën kontroll të rreptë me roje të armatosura, transmeton lajmi.net.

Anna kishte dhënë një përshkrim të vrasësit, pavarësisht nga “tronditja e thellë” që ka rezultuar me humbje të pjesshme të kujtesës. Dëshmitarët thanë se në momentin e krimit vetëm bërtiste: “Ata e kanë qëlluar atë”.

Ukrainasja u ka thënë zyrtarëve se ajo dëshiron të shkojë në shtëpi, por avokati i saj tha se lëvizja e saj kishte qenë e kufizuar.

Zyrtarët thanë se ajo mund të jetë subjekt i hetimeve shtesë pasi ishte një dëshmitar okular i momentit të vrasjes. (lajmi.net)