Sulmuesi i Palermos, Paulo Dybala nuk do të largohet nga klubi për më pak se 40 milionë euro.

Kjo është kërkesa e presidentit të klubit sicilian, Maurizio Zamparini për argjentinasin që është objektiv i Barcelonës.

“Më kanë ofruar 35 milionë euro për Dybalan. Por, unë kërkoj 40”, deklaroi Zamparini për “Radio Kiss Kiss”.

Dybala ka mirëpritur mundësinë e transferimit në Barcelonë duke thënë se është i gatshëm të notovojë deri tek gjiganti katalan.