Gjatë një operacioni policior të realizuar nga Drejtoria për Hetimin e Krimeve Ekonomike dhe Korrupsion, respektivisht Njësiti në Gjilan, janë arrestuar dy persona nën dyshimin se kanë kryer veprën penale, falsifikim të parasë.

Personat e dyshuar janë L.S. dhe F.O, të dy shtetas të Kosovës.

Ky operacion është vazhdimësi e një operacioni të mëparshëm, të datës 6 dhjetor, ku një person ishte arrestuar nën dyshimin se kishte vënë në qarkullim disa monedha të falsifikuara.

Personave të dyshuar ju është shqiptuar masa e ndalimit prej 48 orësh për të vazhduar më pas me procedurat e mëtejshme.