Brenda një harku kohor të shkurtër një tjetër aksident me pasojë vdekjen është shënuar në qytetin e Vlorës. Aksidenti ka ndodhur në rrugën e vjetër të Panajasë, ku një automjet tip Peugeot, është përplasur me një Land Rover. Për pasojë ka gjetur vdekjen e menjëhershme drejtuesja e Peugeot, Marjana Cani, 31 vjeçe, nga Mallkeqi i Vlorës, raporton TopChannel.

Burime zyrtarë bëjnë të ditur se A. L, 25 vjeç, parasgjer në Land Rover është dërguar me urgjencë në spitalin rajonal të Vlorës. Policia vijon hetimet për zbardhjen e shkaqeve të aksidentit.