Droga vjen edhe me postë

Në zyrën për zhdoganime postare në Prishtinë erdhi një dërgesë e pazakontë. Ajo dukej të ishte një CD, por që në mbështjellësin e saj, u gjet një substancë e ndaluar.

Lajme

22/09/2018 22:08

Midis mallrave të shumta në postën doganore në Kosovë u gjet drogë që erdhi nga Gjermania.

Bëhet fjalë për amfetaminë që ishte fshehur nën mbulesën e një CD’je.

Por 50 gramët e kësaj substance narkotike nuk janë të vetmet me të cilat zyra për zhdoganime postare është përballur.

Këto veprime kanë bërë që Dogana e Kosovës të jetë më vigjilente.

Rasti i amfetaminës është konfirmuar edhe nga zëdhënësja e policisë së Kosovës për rajonin e Prishtinës, Flora Ahmeti e cila tha se substanca e dyshuar është konfiskuar dhe rasti është duke u hetuar.