Dridhet Golden State, Curry aksidentohet me veturë
Ylli i Golden State Warrirors, Stephen Curry, është përfshirë në një aksident zinxhiror.
Sport
Aksidenti thuhet të ketë ndodhur rreth orës 9 të mëngjesit, në rrugën “Highway 24” në Oakland, shkruan “us.blastingpop”, transmeton lajmi.net.
Pasi makina e Curry është goditur nga një veturë, edhe një veturë tjetër ka goditur pas tyre, duke shkaktuar aksident zinxhiror.
Patrolla e “Higway” ka thënë se ishin kushtet klimatike ato që ndikuan në aksidentimin e makinave.
Stephen Curry veçse ishte i lënduar qysh para aksidentit, duke munguar për skuadrën e tij në dy ndeshjet e fundit.
Skuadra kampionë në fuqi po kalon në momentet më të vështira, duke pësuar katër humbje radhazi.
Gjithashtu një konflikt mes Draymond Green dhe Kevin Durant ka tensionuar situatën në kampin e tyre.
Sa i përket aksidentit të Steph, nuk është konfirmuar për ndonjë lëndim të pësuar nga aksidenti. /Lajmi.net/