Dren Abazi rrëfen emocionet e koncertit ‘live’: Tirana më la një shije të jashtëzakonshme
Plotë dhjetë vite karrierë shumë të suksesshme.
ShowBiz
Këngëtari Dren Abazi të premtën e fundit të muajit dhjetor, ka festuar dhjetë vjetorin e karrierës me një koncert ‘live’ të mbajtur në Tiranë.
Para një publiku të madh shqiptar, për disa orë rresht Dreni dhe Zig Zag Orchestra kanë argëtuar të pranishmit me këngët më të dëgjuara dhe me të suksesshme të tyre, shkruan lajmi.net
Në një prononcim për lajmi.net, Dreni ka rrëfyer emocionet e tij.
“Koncerti ka qenë një sukses i jashtëzakonshëm, gjithçka ka shkuar më së miri dhe Tirana më la një shije të jashtëzakonshme” ka thënë ai.
Bashkë me koncertin, Dreni dhe ZZO kanë lansuar edhe albumin ‘Mes Yjesh’ që shumë shpejt do vij edhe në Kosovë në pika shitjesh të ndryshme.
Për lajmi.net, Dreni ka premtuar se një koncert të tillë do ta mbajë edhe në Prishtinë.
Më poshtë, keni dhe fotot nga koncerti i Drenit./Lajmi.net/