Drejtuesit e Barcës të pakënaqur me mënyrën si Valverde po i qaset Coutinhos – Lajmi.net
Drejtuesit e Barcës të pakënaqur me mënyrën si Valverde po i qaset Coutinhos
Autori: Lajmi.net La LigaLajme futbolliSport 11:56, 12 January 2019
Philippe Coutinho momentalisht e ka humbur vendin e tij në formacionin e parë të Barcelonës.

Braziliani është zgjedhja e dytë në sulmin katalan, pasi vendin e tij e ka zënë francezi Ousmane Dembele.

Coutinho u transferua tek Barcelona nga skuadra e Liverpool për shumën e 160 milionë eurove, duke u bërë transferi i dytë më i shtrenjtë në histori.

Sigurisht se qëndrimi i tij në bankën rezervë, anash kësaj shume të paguar gjithmonë do të konsiderohet vendim kontrovers.

“Sport” shkruan se drejtuesit e Barcelonës janë të pakënaqur me mënyrën se si Ernesto Valverde po i qaset Philippe Coutinhos, transmeton lajmi.net.

Coutinho mund të aktivizohet edhe në fazën e mesfushës, por edhe aty ka konkurrencë të madhe me Arthur që po tregon formë të lartë.

Mbetet të shihet se cili do të jetë vazhdimi i kësaj “drame” që po ndodh në skuadrën e Barcelonës. /Lajmi.net/

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO