Dorëzohet De Biasi, tani kërkon vendin e tretë në grup

Gianni De Biasi nuk beson se Kombëtarja Shqiptare ka gjasat që të kap një pozitë që dërgon në Kampionatin Botëror ‘Rusia 2018’.

Sport

15/11/2016 23:10

Trajneri italian i ftuar në emisionin e ‘Rai Sport’, ka deklaruar se humbja ndaj Izraelit në ‘Elbasan Arena’, i ka dhënë fund gjasave të Shqipërisë, dhe tani do të luftojë pikërisht me izraelitët për vendin e tretë.

“Ndaj Izraelit u bë një ndeshje që nuk e prisnim. I paguam shumë shtrenjtë disa vendime arbitrale të diskutueshme. Çfarë ndryshon tani? Mendoj se Italia me Spanjën nuk do ta kenë aspak të vështirë të dalin në vendin e parë dhe të dytë”, deklaroi De Biasi, përcjell lajmi.net.

“Vendi i tretë vlen pak, por për ne mund të jetë i rëndësishëm dhe do të provojmë ta kapim në 6 ndeshjet e mbetura”.

Parashikoni ndeshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy S6.