Djali që humbi familjarët në masakrën e Reçakut u punësua me dëshirë për t’i mirëmbajtur varrezat
Ferid Bilalli banor i fshatit Reçak ka reaguar pas shkrimit të publikuar në lajmi.net për punësimin e Metush Ramadanit në varrezat e fshatit.
Lajme
“Unë si banor i Reçakut dhe si djalë dëshmori ju sigurojë se nuk është e vërtetë se Komuna e Shtimes ka vendosur të punësoj Ramadanin në varreza. Ne familjet e dëshmorëve dhe të martirëve të fshatit kemi thirrur një mbledhje nga kryesia në Reçak për të vendosur se kënd do e punësojmë në pozitën e mirëmbajtësit të varrezave. Në këtë rast kanë shprehur dëshirën dy persona dhe njëri ndër ta ka qenë Metush Ramadani”, thuhet në reagimin e Bilallit, transmeton lajmi.net.
Sipas tij, me këto dy propozime kryesia e fshatit kanë dal në votim me ç’rast ka fituar me vota Ramadani për këtë vend pune.
Metush Ramadani mbahet mend si djalosh 16 vjeçar i cili shihet në video teksa qan për humbjen e anëtarëve të familjes së tij në masakrën e Reçakut./Lajmi.net/
Lexoni edhe:
Shokuese, djali që humbi familjarët në masakrën e Reçakut punësohet për t’i mirëmbajtur varrezat