Djali i Kujtim Paçakut: Ata që babai i quante njerëz të mëdhenj, nuk erdhën t’ia hidhnin një grusht dhe mbi varr

Mungesa e kolegëve deputetë në varrimin e ish-deputetit Kujtim Paçaku, e ka prekur jashtëzakonisht shumë, të birin, Denur Paçakun

Lajme

20/05/2018 12:39

Paçaku ka thënë se në ditën e varrimit të babait të tij kishte shumë njerëz, megjithatë munguan njerëzit që i ndjeri Kujtim Paçaku i kishte quajtur të mëdhenj

‘”Tamam puna”, të dërgohen ftesa për të qenë pjesë e një ceremonie varrimi. Njësoj po shprehem edhe për të mbajturën, mbledhjen komemorative për të ndjerin, Kujtim Paçaku-n. Në kortezhin funeral-varrimin e të ndjerit, dhembjen e ndamë me një numër të madh të njerëzve, e që mbeti i vogël në rastin kur në varrim po mungonin njerëzit që i ndjeri po i quante të mëdhenj”, ka shkruar ai.

Denur Paçaku thotë se një gjë të tillë nuk e meritonte babai i tij, duke kritikuar deputetët për mungesën e tyre në ditën e varrimit.

“Deduktiviteti e targeti i kësaj mungese që i ndjeri nuk e meritonte, ishin deputetët shqipëtar(ish kolegët e tij), për të cilët ai kishte jashtëzakonisht shumë respekt. Këta të fundit e vajtuan dhe e ngriten ne piedistalin më të lartë, e në praktikë munguan për të hedhur një grusht dhe mbi banesen e tij të fundit”, është shprehur ai.

“Gjithë ky reagim për këtë rast, vie pas shkrimeve të shumta nga mediat e vendit e ato botërore, vie pas reagimit të publicistëve, politikanëve, gazetarëve e qytetarëve të vendit. Hiç më pak dhe nga ambasadorja e Kosovës në SHBA, Vlora Çitaku, që me një fjalë e quajti turp”, ka përfunduar djali i ish-deputetit Kujtim Paçaku.