Edhe në debatin e sotëm, sikurse edhe atyre të 19-të ditëve që lamë pas, deputetët e VMRO-DPMNE-së kërkojnë hedhjen poshtë të Platformës së Tiranës dhe zgjedhje të reja të parakohshme parlamentare së bashku me ato lokale si dalje e vetme nga kriza politike, kurse nga LSDM-ja konsiderojnë se nuk po respektohet rregullorja e Kuvendit dhe se deputetët e VMRO-DPMNE-së diskutojnë për tema të cilat nuk kanë lidhje me pikën e rendit të ditës.

Ata kërkojnë të kalohet në votim të pikës së ardhshme të rendit të ditës, përkatësisht zgjedhje të kryetarit të Kuvendit. /AlsatM/