Madje diplomatët dhe promotorët ekonomik të angazhuar në Ambasadën në Paris, kanë vizituar edhe kishat dhe manifestimet tjera ku organizohen maqedonasit, me të vetmin qëllim që ti motivojnë për tu paraqitur në KSHZ dhe të kenë të drejtën për të votuar kandidatin e diasporës, transmeton Zhurnal.

Më skandaloze është thirrja e zyrtarëve të qeverisë të cilët madje edhe haptazi kanë bërë thirrje se duhet diaspora maqedonase të paraqitet për të votuar me të vetmin qëllim që mos të fitoj kandidati shqiptar.

Për këtë thirrje skandaloze ka kërkuar përgjegjësi edhe sindikati i diplomatëve në Maqedoni i cili ka kërkuar që kjo çështje të shqyrtohet.

Ndryshe, në zgjedhjet e 11 dhjetorit për shkak të kësaj thirrje publike të maqedonasve, duhet që të vetëdijësohen gurbetçarët shqiptarë që jetojnë në Europë dhe Amerikë dhe me masovitet që të dalin në këto votime për të siguruar së paku një deputet në Parlamentin e Maqedonisë.

Thirrja publike për mobilizim nga ana e maqedonasve, duhet të merret me shumë seriozitet nga gurbetçarët shqiptar, që nëse nuk dalin në votime atëher nuk do të kenë përfaqësuesin e tyre në Parlament.